На ваше задоволство, продолжува омилената серија за трите сестри. Срдечна и топла приказна за Туркан, Донуш и Дерја, три млади девојки кои живееја среќно со својата мајка и татко.
Но, времето секогаш пишува своја историја, па така и деновите кои надојдоа, донесоа ветришта кои засекогаш ги променија судбините на овие сестри. Миговите кога трите сестри ги споделуваа своите радости, својата среќа и младешки тајни се чини дека завршија.
Ќе следуваат ли сега среќни денови за Туркан како невеста во богатото семејство Корман? Ќе успее ли конечно нашата хероина да ги промени нештата, да се спротистави на доминантната свекрва и да го зачува бракот со Сомер?
Тешко ќе биде да се прифати реалноста и фактот дека во нејзиниот и животот на нејзиниот сопруг сѐ уште постои фаталната Мине, бившата љубовница на Сомер. Но, во име на иднината и бракот, Туркан ќе мора да се избори и со тоа.
Сенките од минатото носат неочекувани пресврти во кои сестрите ќе бидат ставени пред нови искушенија, но и нови разочарувања. Следуваат драматични случувања во животот на Туркан и нејзините сестри кои ќе донесат бура на емоции и значајни животни поуки.
Семејната приказна за „Трите сестри“ е базирана на познат бестселер напишан од турската писателка и глумица која во серијата го толкува ликот на мајката на трите сестри. Серија која за кратко време привлече голем број на обожаватели и успеа да ги спои животните драми во една безвременска телевизиска бајка.
Од понеделник до петок во 19.45 часот – сега па сѐ до самиот крај.