Џерен Каракоч, која го толкува ликот на Нурсема во популарната серија на SHOW TV, „Шербет од брусница“ (Kızılcık Şerbeti), се врати во серијата. Актерката повторно се појави на снимањето и по повод своето враќање изјави: „Со Нурсема не продолжуваме таму каде што застанавме, туку започнуваме одново… Овојпат сите заедно ќе видиме каде ќе нè одведе приказната.“
Гледачите на популарната серија „Шербет од брусница“, која се емитува на SHOW TV, во продукција на Gold Film и продуцентот Фарук Тургут, ги очекува големо изненадување.
Џерен Каракоч, која минатата сезона се збогуваше со серијата и со ликот на Нурсема, повторно се враќа во „Шербет од брусница“. Актерката повторно ќе биде дел од серијата, која и со својата петта сезона продолжува да привлекува големо внимание кај публиката.
Начинот на кој Нурсема ќе се врати во приказната предизвикува голема љубопитност кај гледачите.
Објавена првата фотографија од снимањето
Џерен Каракоч се појави на снимањето облечена во дуксер со натпис „Nurfena“, а на својот профил на социјалните мрежи сподели емотивна порака по повод враќањето во серијата.
„Некои приказни завршуваат. Други, пак, се премислуваат. Некои ликови не го сфаќаат премногу сериозно сопственото збогување. И изгледа дека Нурсема сè уште има што да раскаже.
Со Нурсема не продолжуваме таму каде што застанавме, туку започнуваме одново… Овојпат сите заедно ќе видиме каде ќе нè одведе приказната.
За малите изненадувања што ги носат животот, сценариото и вистинскиот момент… Тогаш, да започнеме одново!“, напиша актерката на својот профил на социјалните мрежи.