Пембе со остро соопштение за серијата „Шербет од Брусница“! - Tурски серии со превод - Тvserijali

Пембе со остро соопштение за серијата „Шербет од Брусница“!

Турската актерка Сибел Ташчиоглу, која на публиката ѝ е позната по улогата на Пембе во популарната серија „Шербет од брусница“ , конечно проговори за својот заминување од серијата и за гласините кои последниве денови се шират на социјалните мрежи.


Во последните денови се појавија тврдења дека актерката, за време на снимањето на серијата, наводно се соочила со непријатен инцидент во нејзината приколка за одмор, каде што бил пронајден човечки измет, а таа била принудена да ја преземе одговорноста за случајот и да молчи за него.
Сепак, Сибел Ташчиоглу категорично ги демантираше овие тврдења, нагласувајќи дека никогаш не дала такво интервју ниту ги изговорила зборовите што ѝ се припишуваат.

„Никогаш не сум дала такво интервју“
Во своето соопштение, актерката истакна дека изјавите кои повторно се појавиле во јавноста немаат никаква врска со вистината.
Таа објасни дека досега намерно избегнувала да зборува за причините за нејзиното заминување од серијата, бидејќи не сакала ситуацијата да прерасне во јавна расправија.
„Во последните денови забележувам дека повторно се актуелизираат изјави кои ми се припишуваат во врска со моето заминување од серијата „Кизилџик Шербети“, а кои немаат никаква врска со вистината. Сакам јасно да нагласам дека тие зборови не се мои. Никогаш не сум дала таква изјава, ниту пак такво интервју“, истакна актерката.


„Заминувањето од серијата не беше мој избор“
Една од најзначајните работи во нејзиното соопштение е признанието дека заминувањето од серијата не било нејзина лична одлука.
Сибел Ташчиоглу откри дека зад нејзиното заминување стоеле одредени несогласувања за време на работниот процес, но нагласи дека засега не сака да ги открива деталите.

„Заминувањето од серијата „Шербет од брусница“ не беше мој избор. Зад моето заминување стоеја одредени несогласувања кои се појавија за време на работниот процес и за кои, поради мојот професионален став, избрав да молчам. И денес сметам дека нема потреба да навлегувам во деталите“, порача актерката.

Таа дополнително изрази незадоволство од обидите нејзиното име да се поврзува со приказни кои можат да го нарушат угледот на друг актер, особено кога станува збор за лични и приватни теми.

Реакција и на медиумите
Во продолжението на своето соопштение, Ташчиоглу упати критики и кон медиумите кои објавуваат непроверени информации.
Според неа, основната одговорност на новинарството е да ја пренесува проверената вистина, а не информациите што само се слушнале или се шират без докази.
„Не сметам дека е новинарство пренесувањето зборови кои некој никогаш не ги изговорил, без претходно истражување и проверка на изворите. Не прифаќам ширење невистинити содржини заради поголем интерес и повеќе интеракции“, порача таа.

На крајот, актерката објасни дека нејзиното досегашно молчење не било затоа што немала што да каже, туку поради почитта кон својата професија и луѓето со кои работела.
„Молчењето од почит не значи дека прифаќам вистината да биде искривена“, заклучи Сибел Ташчиоглу.

Leave a Comment

Your email address will not be published. Required fields are marked *

HIDE ↓