🎬 Продукциската куќа OGM Pictures официјално започна со работа на долгоочекуваната адаптација на култниот роман „Olasılıksız“ од Адам Фавер, проект што ќе се снима за Disney Plus и веќе предизвика големо внимание на социјалните мрежи.
🔍 Она што дополнително ја крена тензијата меѓу фановите е веста дека Киванч Татлитуг е во преговори за главната улога во серијата. Иако актерот претходно изјави дека до 2026 нема да работи на телевизиски проекти, тој сепак е отворен за дигитални платформи, што ја прави оваа соработка многу веројатна.
🎥 Да потсетиме, Киванч веќе има договор со Јилмаз Ердоган за Netflix-серијата „Организирани зделки: Замка за наивни“, чие снимање започнува на крајот од август. Но, договорот со OGM Pictures за Olasılıksız сè уште не е потпишан и преговорите се во тек.
📚 Содржина на серијата „Olasılıksız“:
Оваа адаптација е возбудлив спој на научна фантастика, трилер и авантура. Ја следиме приказната за Дејвид Кејн, универзитетски професор и експерт за веројатност, кој откако доживува епилептичен напад за време на предавање – го губи својот животен ритам.
Во обид да преживее, прифаќа експериментален третман што му овозможува да предвидува идни настани со неверојатна прецизност. Но, новата способност го става на радарот на моќни тајни служби. Тој се наоѓа во опасна игра од која нема враќање…
📌 Се очекуваат повеќе информации за остатокот од актерската екипа и точниот датум на почеток на снимањето.