Бурак Озчивит е еден од најпопуларните турски актери, во тоа нема сомнеж. Секое спомнување на неговото име привлекува големо внимание. Сега тој беше актер во „скандал“, кој всушност не постои. Еве за што се работи.
Бурак Озчивит беше фотографиран со холивудската ѕвезда Кевин Спејси за време на неговата посета на Светското првенство во Катар. Нивната заедничка фотографија привлече многу лути коментари на социјалните мрежи, но и меѓу колегите на актерот. Озчивит е обвинет дека воопшто комуницирал со лице кое е осомничено за малтретирање. Фактот дека Кевин Спејси всушност не беше осуден за она за што беше обвинет е целосно изоставен овде. Изгледа дека понекогаш луѓето ја занемаруваат презумпцијата на невиност и дека самото стоење до таква личност и фотографирање со филмска ѕвезда како Спејси навистина е „заразно“.
Бурак реши да ги смири сите за овој скандал и од својот профил на социјалните мрежи ја тргна фотографијата со холивудската ѕвезда. После тоа тој излезе со соопштение во кое изјави дека не е запознаен со скандалозната приказна околу популарниот американски актер. Кога ги дозна деталите за сето ова, го направи она што беше потребно. Бурак Озчивит додаде дека е експресно против ваквото однесување и тие ситуации.
Сепак, прашање е колкава грешка направи Озчивит и дали имаше скандал? Прво и основно, Кевин Спејси не е осуден за злосторствата за кои е обвинет. Ова води до главното прашање, каде отиде презумпцијата на невиност? Зарем луѓето не се невини додека не се докаже вината? Што ако биде прогласен за невин? И дали една фотографија со личност која е вистинска ѕвезда на холивудските филмови и не е осудена за криминални дела е толку страшна и таков скандал?
Или пак, по којзнае кој пат во сè – отиде предалеку…
