Убавата турска актерка Неслихан Атагул има успешна актерска кариера уште од многу мала.
Денес ја гледаме во улогата на Маџиде во серијата На крајот на ноќта а сме имале можност да ја гледаме во улогата на Нихан во серијата „Карасевда“, каде игра улога на млада и заљубена девојка која е присилена на брак само за да го спаси своето семејство.

Веројатно малкумина од вас се сеќаваат дека оваа млада убавица ја гледавме пред неколку години во серијата „Кога лисјата паѓаат“, која се емитуваше во пет сезони.
Тогаш Неслихан ја глумеше Дениз, внуката на лошата свекрва Џеврие која и создаваше проблеми на нејзината помајка Фикрет.

Оттогаш помина доста време, а Неслихан од мало талентирано девојче, прерасна во вистинска дама чија актерска кариера оди само во нагорна линија.