Пристигна интересна вест за двајца млади и многу талентирани актери. Миреј Данер и Дениз Џан Акташ ќе се појават во нова ТВ серија. Еве што е досега познато за овој проект.
Миреј Данер и Дениз Џан Акташ ќе бидат актерската двојка од новата ТВ серија. Она што е потврдено е дека оваа серија ја подготвува екипата која работеше на сега веќе легендарната ТВ серија Eskiya Dunyaya Hukumdar Olmaz (EDHO).
Продуцентот на тој проект, Бахадир Озденер, овојпат подготвува серијал наречен Hudutsuz Sevda / Безгранична љубов, кој ќе се емитува на ТВ Фокс. Серијата се подготвува за нова сезона, па ќе ја гледаме наесен.
Заплетот на новата турска серија Hudutsuz Sevda / Безгранична љубов ќе го следи ликот по име Халил Ибрахим, кој се враќа во својот град на Црното Море по 20 години оддалеченост. Него го води желбата да им се одмазди на луѓето кои го убиле неговиот татко и неговата детска љубов. Заплетот на серијата ќе донесе приказна за одмаздата и мафијата.
Добра актерска екипа
Познати се и некои имиња во актерската екипа. Месут Акуста ќе го толкува ликот на водачот на мафијашкиот клан кој го уништи семејството на главниот лик. Есра Дерманчиоглу ќе ја портретира неговата втора сопруга.
Дениз Џан Акташ и Миреј Данер ги договориле сите услови за улоги во оваа ТВ серија и остануваат уште да ги потпишат договорите за се да биде официјализирано. Дениз ќе го игра главниот лик Халил Ибрахим, а Мирај ќе го игра ликот по име Зејнеп.
Снимањето на новата серија Hudutsuz Sevda ќе започне на 15 август на брегот на Црното Море, а некои сцени ќе се снимаат и во Истанбул.
