Ханде Ерчел и Бариш Ардуч во нова ТВ-серија! Стигнува турската адаптација на „Кралицата на солзите“
🎬 Турската адаптација на мегапопуларната корејска серија „Queen of Tears“ (Кралицата на солзите) влегува во продукција – снимањето започнува во август, а на главните улоги ги гледаме Ханде Ерчел и Бариш Ардуч!
🎥 Продукција и креативен тим
Серијата ќе биде во продукција на 03 Medya и Das Yapım, а режијата ја води Енѓин Ерден. Сценариото го потпишуваат тимот: Дилара Памук, Догачан Ѓунеш Перкин, Елиф Онер, Езел Билдирчин и Ирем Пелин Сонмезер.
Ова е третата соработка по ред меѓу Ханде Ерчел и Бариш Ардуч, по филмот Rüzgara Bırak и серијата Aşkı Hatırla.
🌟 Главни улоги
-
Ханде Ерчел ја игра Мејре – млада жена од богато семејство, која се враќа од САД и се вработува во компанијата на нејзиниот татко, прикривајќи го својот вистински идентитет како агент во рамките на фирмата.
-
Бариш Ардуч го игра Селим – правник во истата компанија, кој станува сопруг на Мејре. Тој се вљубува во неа без да знае која всушност е таа.
-
Сенан Кара, добитничка на бројни награди, ќе ја игра Зухал, мајката на Мејре – нејзиното учество е првиот потврден член на споредната актерска екипа.
💔 Што нè очекува во приказната?
Серијата започнува со романтична и импресивна свадбена сцена – вовед во емоционалната и комплексна љубовна приказна на Мејре и Селим.
Приказната се движи низ две временски линии – пред и после пет години од нивниот брак, истражувајќи длабоки емотивни и семејни предизвици, како и личните кризи низ кои поминуваат главните ликови.
Продуцентите истакнуваат дека турската верзија ќе остане верна на духот на оригиналот, но со карактеристичен турски стил и врвна продукциска вредност.
🔔 Очекувајте моќна драма, силна хемија меѓу главниот пар и емотивна приказна што ќе ја освојува публиката веќе од оваа сезона.